ધન્ય વખાણું એવા નર ને

ધન્ય   વખાણું  એવા  નર  ને  નારી  , કરી  ભજન  માં  કમાણી  રે ..

ગુરુ  વચન  નો  મહિમા  જાણી, અંતર  જ્યોત  પ્રગટાવી  રે ...

આપ   બડાઈ  અળગી  રાખી  ને  , સેવ્યા  સંત  સુખકારી  રે ..

શબદ  દયાની   બંદા  થાવે  , મહાપદ  ના   અધિકારી  રે ..

સદગુરુ  ચરણે  માન  મુકીને  , લીધો  મરમ ને  પીછાની  રે ..

ભ્રાંતિ  ભાંગી , તૃષ્ણા   ત્યાગી , સાચો  તે  વૈરાગી  રે ....

વિવેક  વિચારે  જગત  માં   રહેવે , આશક્તિ  ને  મટાડી  રે .......

કરમ  ધર્મ  ની  ભ્રમના  ને  ભાંગી , રહે  શબદ   માં  સમાઈ  રે ...

અજંપા  જાપ  માં  મન  ને  જપાવી , ગુરુગમે  દૃષ્ટિ  ઉઘાડી  રે ..

નામે  નિર્ભય  બની  ને  બેઠા .., નામે   થયા   નિજારી  રે ......

સતવચન માં  પ્રીત  “પરેશરામ ”, સતભક્તિ  ઊર  ઘારી  રે ..

રાખી  પ્રીતું  સદગુરુ સાહિબ  માં , પામ્યા  પદ  નીર્વાણી  રે ........    

શબ્દ ભેદ

સત્સંગ  નો  સાર  એટલે  સંતવાણી
સંતવાણી  નો  ભેદ  એટલે  સત્સંગ

ગગન  મંડળ  માં  જુઓ  તપાસી , નુર   નિરંતર  નજરે  ચઢે .......

સદગુરૂ  મીલે  તુને  સહેજે  બતાવે , નિજસ્વરૂપ ની  ભાન  પડે ......

                                                       ગગન  મંડળ  માં  જુઓ  તપાસી

વિવેક   વિચારે  હરદમ  હાલો , નામ  નિશાન  તમે  નક્કી  કરો ......

પારખ  થઇ  તમે  પારખી  લેજો , વૃતિ  વચન  માં  સ્થિર   કરો ......

                                                        ગગન  મંડળ  માં  જુઓ  તપાસી  

સદગુરૂ  શાને  સુરતા  શબદ માં  સાંધો , મન  પવન  ઘર  એક  કરો ..

નુરતે  સુરતે  નીરખો  ગગન  માં , અનહદ  નાદ  ત્યાં  હુઈ  રહ્યો ...

                                                         ગગન  મંડળ  માં  જુઓ  તપાસી  

અરધ ઉરધ નાં  આસન  ઉપર , ત્રિવેણી  માં  તાર  મિલાય ...

અધર  તખ્તે  મારા   નાથ  બિરાજે , ગુરુગમ  થી  દિયે  ઓળખાઈ ...

                                                        ગગન  મંડળ  માં  જુઓ  તપાસી  

પ્રગટ  સદગુરુ  પુરણ  મળિયા, પ્રગટી  પ્રેમજ્યોત  અંતર  માય ...

નીરખું  નુર  નિરંતર  “ પરેશરામ ” , પ્રેમ  ખુમારી  હવે  ઊતરે નાહીં..
                                                       ગગન  મંડળ  માં  જુઓ  તપાસી

સતનામ  સાહેબ   ***    જય ગુરુદેવ

સદગુરુદેવ સત પરેશ રામ બાપા ની વાણી 

સતસંદેશ

જય ગુરુદેવ ,

આ જગત માં સિદ્ધ તો  ઘણા થયા પરંતુ સદગુરૂ ઘણા ઓછા.   જે  સ્વયં ને જાણી છે તે બધાય સિદ્ધ છે. એમાય  સદગુરૂ તો સ્વયં ને જાણી , બીજા અનેક જીવોને સત્ય નાં માર્ગે લઇ જાય છે ને  ઉદ્ધાર કરે છે. પોતે તો આ ભવસાગર થી તરી જાય છે તેમજ જીવોને તરી લ્યે છે. દેહે થી  નોખા દેખાતા  કબીર સાહેબ, રવિ સાહેબ , ભાણ સાહેબ , ધના ભગત, રોહીદાસ , તેમજ આદી અનાદી સંતો નો એક જ  સ્વર છે તેમનો ભાવ પણ એકજ. એમને જુદા માનીને સંપ્રદાય વાદી બને છે. તેવા તો કોઈ કાળે પરમાત્મા ની અનુભૂતિ કરી શકતા નથી. સદગુરૂ એતો શુધ્ધ પ્રકાશ છે   કે જેમાં અંધકાર ને કોઈ સ્થાન નથી. જેના હૃદયમાં સદગુરૂ સંત પ્રત્યે ભાવ થાય છે તેમજ  જેણે આધિનતા ને નમ્રતા નો ગુણ ને કેળવી રાખ્યો છે તેજ સદગુરૂ નાં ચરણમાં રહીને અનંત ની યાત્રા માં જોડાઈ ને સહેજે  ભવસાગર તરી જાય છે.

હે હંસપુરુષો.....તમે સદગુરૂ ચરણ માં રહી તમે સ્વ આત્મા નું દર્શન કરી કાયમ ને માટે મોક્ષ અનુભવો.  

સત પરેશ રામ બાપા

જે  આનંદ  રૂપ  અખંડ  સુખદાયક , જ્ઞાનમૂર્તી  બ્રહ્મ રૂપ ,
અતીત  અગમ  વ્યાપક  સદા , વિમલ  શુધ્ધ સ્વરૂપ 


વિમલ  શુધ્ધ  સ્વરૂપ  હે , કલ્પવૃક્ષ  હે  નિજ નામ 
સોહમ  શબ્દ  સે  લક્ષ  લિયો , સોઈ  સદગુરુદેવ  પ્રણામ ...........




                 સદગુરુદેવ  ઉગારામ  બાપા,  સદગુરુદેવ  ત્રમ્બક  સાહેબ ,સદગુરુદેવ  શાંતિરામ  બાપા , સદગુરુદેવ   મણીરામ  બાપા, સદગુરુદેવ  સત પરેશ રામ  બાપા  જેવા અનેક નામી અનામી સંતો સાહેબ ધારા નાં પ્રગટ પુરુષો છે કે જે ધારા માં કબીર સાહેબ , છટાસાહેબ ,ભાણ સાહેબ ,રવિ સાહેબ , હોથી સાહેબ ,હીરસાગર  બાપા જેવી મહાન વિભૂતિ, જેમણે સત ધરમ ને યથાવત  રાખી ને જીવો ના  આત્મા નું કલ્યાણ કરી , અનેકો નો ઓધાર કર્યો છે.  




આવા તમામ સાહેબ  મહાપુરુષો  ને  જય ગુરુદેવ........